TalkSPORT nashridan jurnalist Aleks Kruk «Chelsi»ning «Kristal Pelas» himoyachisi Maksans Lakruaga qiziqishi haqida fikr bildirdi.
«Lakrua «Chelsi»ning markaziy himoyachi pozitsiyasidagi potentsial maqsadlar ro'yxatida yuqori o'rinda turadi. «Ko'klar» o'z himoya markaziga biroz ko'proq tajriba qo'shishni maqsad qilmoqda. Hozircha rasmiy taklif berilmagan, lekin «Kristal Pelas» rahbariyati «Chelsi»ning o'yinchiga qiziqishi haqida xabardor», - dedi Kruk.
2025/26 yilgi mavsumda Lakrua «Kristal Pelas» safida barcha musobaqalarda 55 o'yin o'tkazib, 3 gol urdi va 3 golli uzatma berdi. Transfermarkt portalida fransuzning bahosi 50 million evro deb baholangan.
