Fransuz mutaxassisi Pyer Sazh «Kristal Pelas» bilan yakuniy kelishuvga erishdi va dushanba kuni londondagi klub bilan shartnoma imzolaydi. Bu haqda L'Équipe xabar bermoqda.
Kelishuv 3 yilga mo'ljallangan. Muzokaralar bir necha kun davom etdi, 47 yoshli murabbiyga boshqa klublar, jumladan Saudiya Arabistonining ulkan jamoalaridan biri ham qiziqish bildirdi, ammo Sazh Angliyaga ko'chishni tanladi.
O'tgan mavsumda murabbiy «Lans»ni boshqardi, u bilan Frantsiya chempionatida ikkinchi o'rinni egalladi va mamlakat kubogini yutdi.
Sazhnning Angliyadagi maoshi Frantsiyadagi maoshidan to'rt baravar yuqori bo'ladi. Nashrga ko'ra, «Lans»da uning oylik maoshi taxminan 100 ming evro brutto edi.
Murabbiyning o'tishi «Lans»ga moliyaviy kompensatsiya keltiradi. Fransuz klubi darhol 3 million evro oladi va yana 2 million evro bonus sifatida, ulardan biri «Kristal Pelas»ning Premier-ligada o'rnini saqlab qolishi holatida avtomatik ravishda faollashadi.
Qiziqarlisi shundaki, bu yozda Sazh o'zining sobiq jamoasi bilan uchrashishi mumkin: «Kristal Pelas» va «Lans» Italiyada 28 iyuldan 1 avgustgacha o'tkaziladigan Como Cup do'stlik turnirida ishtirok etadi.
