«Barselona»ning bosh murabbiyi Hans-Diter Flik kelgusi mavsum uchun Lamina Yamalning o'rnini to'ldiruvchi o'yinchi izlashda davom etmoqda. Bu haqda jurnalist Gabriel Sans xabar bermoqda.
Hozirda Runi Bardgji Yamal uchun asosiy o'rinbosar sifatida qolmoqda, lekin «Barselona» shved futbolchisini sotishga tayyor. Hozircha «ko'k-qizillar» hech qanday aniq taklif olmagan, garchi bir nechta klublardan qiziqish mavjud. Runining kelajagi noaniq bo'lib qolmoqda.
O'tgan mavsumda 20 yoshli Bardgji barcha musobaqalarda 28 ta uchrashuvda maydonga tushib, ikki gol urdi va to'rtta assist berdi.
O'yinchining «Barselona» bilan amaldagi shartnomasi 2029 yilning o'rtalarigacha davom etadi.
