«Bavariya»ning faxriy prezidenti Uli Hones yarim himoyachi Jamal Musialaning sog'lig'i holatidan xavotirda. 23 yoshli futbolchida avval nevrologik kasallik aniqlangan bo'lib, bu qisqa muddatli ongning buzilishi bilan kechadi.
«Biz qiyin vaziyatda qoldik. Uning kasalligi shunchaki davolanishi mumkin bo'lmagan bir narsa, lekin dori-darmonlar yordamida uni ma'lum darajada nazorat qilish mumkin. Ammo u yana o'zining avvalgi darajadagi o'yinini ko'rsatishi mumkinmi, bu noma'lum», - dedi Hones BR telekanaliga bergan intervyusida.
«Shuni ham aytishim kerakki, u hali ham maosh olmoqda. Tasavvur qiling, agar «Bavariya» hozir uning shartnomasini shubha ostiga olsa va aytsa: bugungi kunda u ko'rsatadigan o'yin shartnoma shartlariga to'g'ri kelmaydi».
2025 yilda Musiala «Bavariya» bilan shartnomasini 2030 yilgacha uzaytirdi. BILD ma'lumotlariga ko'ra, uning yillik daromadi taxminan 25 million evro. Yarim himoyachi allaqachon umumiy guruhda mashg'ulotlarga qaytdi va terma jamoalar o'yinidan keyin maydonga qaytishni umid qilmoqda.