Avstriyalik yarim himoyachi Paul Vanner, huquqlari PSVga tegishli, yirik evropalik klublarning qiziqishiga tushdi. Bu haqda ijtimoiy tarmoqlarda insayder Ekrem Konur ma'lum qildi.
Jurnalistning ma'lumotlariga ko'ra, sobiq «Bavariya» futbolchisi faoliyatini «Liverpul», «Manchester Siti» va Madridning «Real» klublari kuzatmoqda. Niderlandiya tomoni futbolchini 45-50 million evroga baholamoqda.
Vanner PSVda o'tgan yilning avgustidan beri o'ynaydi. Tomonlar o'rtasidagi amaldagi shartnoma 2030-yilning iyun oyida tugaydi.
Joriy mavsumda Niderlandiya chempionatida yarim himoyachi beshta uchrashuv o'tkazib, bitta golli uzatma berdi.