«Arsenal»ning bosh murabbiyi Mikel Arteta Londondagi klub bilan yangi shartnoma imzolash niyatida ekanligini tasdiqladi. Bu haqda Sky Sports xabar bermoqda.
Ispan murabbiyining hozirgi shartnomasi 2027 yilgacha davom etadi. May oyida «Arsenal»ning hamkori Josh Kronke Arteta bilan shartnomani uzaytirishni klubning «eng muhim ustuvorligi» deb atagan edi.
«Futbol muxlislari uchun xavotirlanishning hojati yo'q. Men bu yerda ishlashni xohlayman, juda baxtliyaman va men bilan ishlayotgan insonlarga juda minnatdorman. Qachon imkoniyat bo'lsa, hamma narsani hal qilamiz», - dedi Arteta.
«Barchasi shuni tushunadi-ki, shartnomani uzaytirish muddatlari muammo bo'lmaydi. Men albatta qolishni xohlayman va bu yerda juda baxtliyaman. Klubda ham shunday kayfiyat borligini ko'ryapman. Shuning uchun biz bu jarayonga sokin va shoshilmay yondashmoqdamiz», - qo'shimcha qildi murabbiy.
O'tgan mavsumda «Arsenal» Angliya chempionatini yutib, Chempionlar ligasi finaliga chiqdi. 16-avgust kuni jamoa «Manchester Siti»ga qarshi Superkubok o'yinida maydonga tushadi.