Markaziy himoyachi «Chelsi» Levi Kolvill o'z jamoadoshi Koul Palmer haqida fikr bildirdi.
O'tgan mavsum 24 yoshli futbolchi uchun muvaffaqiyatsiz o'tdi: u ko'p vaqt jarohatlar sababli maydonga tusha olmadi va jahon chempionatiga tayyorlanishda optimal shaklni to'play olmadi, shuning uchun Angliya terma jamoasi bilan mundialga borolmadi.
«Biz hammamiz Koulning qanchalik yaxshi ekanligini bilamiz. Buni har kuni ko'ramiz. O'tgan mavsum uning uchun jarohatlar sababli qiyin o'tdi, lekin biz uning talantiga hech qachon ishonchni yo'qotmadik. Palmer biz uchun juda muhim futbolchi. U har qanday paytda o'yinni o'zgartira oladi», – deydi Kolvill Absolute Chelseaga bergan intervyusida.
Koul Palmer yaqinda «Chelsi»ning avstraliyalik «Vester Sidi Uonderers»ga qarshi o'tkazilgan do'stlik uchrashuvida (6:4) maydonga tushgach, golli uzatma berdi.