«Yuventus» darvozabonlik pozitsiyasi uchun ikkita nomzodni ko'rib chiqmoqda - «Parma» futbolchisi Dziyon Sudzuki va «Tottenxem» futbolchisi Gulyelmo Vikariyo. Bu haqda Gazzetta dello Sport xabar bermoqda.
23 yoshli Sudzuki kelajak uchun imkoniyat sifatida qaralmoqda. «Parma» uni taxminan 30 million evroga baholamoqda, klubning sport direktori Djovanni Karnevali esa Turin klubi bilan muzokaralarni kuchaytirdi. Yapon futbolchisi «Pari Sen-Jermen» va «Aston Villa»ning ham e'tiborini tortdi.
29 yoshli italiyalik Vikariyo «Tottenxem»dan ketishi mumkin, chunki u jamoaning yozgi tayyorgarlik turiga kiritilmagan. Londondagi klub uni ijaraga berish va keyin sotib olish taklifini ko'rib chiqishga tayyor. Bitimning umumiy qiymati 15-16 million evroga baholanmoqda.
Hozirda afzalroq variant Sudzuki, ammo «PSJ» Shavalye bilan xayrlashishga tayyor bo'lganligi sababli raqobat vaziyatni o'zgartirishi mumkin.
