Madridning «Real» klubi yozgi transfer oynasida qanot himoyachisi Alvaro Karerasni sotishga tayyor. Bu haqda Diario SPORT xabar bermoqda.
Manbaning ma'lumotlariga ko'ra, «Real» «Chelsi»dan 25 million evro taklif olgan. Biroq, bunday summaga «oq-qora» jamoasi o'z futbolchisini qo'yib yuborishga niyat qilmaydi va uni 50 million evroga baholamoqda. Agar manbaga ishonilsa, ingliz klubi ispaniyalik futbolchi bilan muzokaralarni davom ettirishga tayyor.
O'tgan yozda «Real» 23 yoshli Karerasni «Benfika»dan 50 million evroga sotib olgan edi. U jamoa safida barcha musobaqalarda 40 ta o'yin o'tkazib, 2 ta gol urdi va 3 ta golli uzatma berdi.
