«Brighton» «Tottenhem» bilan markaziy himoyachi Luka Vushkovichning transferi bo'yicha kelishuvga erishdi. The Athletic xabar berishicha, bitimning umumiy summasi 58 million evro atrofida bo'lishi mumkin, bonuslarni hisobga olganda.
Xabarga ko'ra, «chayqalar» 53 million evroni kafolatlangan holda to'laydi, qolgan qismi turli shartlarning bajarilishiga bog'liq bo'ladi. Shuningdek, «Tottenhem» xorvat himoyachisining kelajakdagi sotilishidan 20% ulushni saqlab qoladi va agar «Brighton» o'yinchidan voz kechmoqchi bo'lsa, birinchi navbatda uni qayta sotib olish huquqiga ega bo'ladi.
Iyunda «Brighton» ushbu futbolchi uchun taxminan 35 million evro taklif qilgan edi, ammo rad javobini oldi. Shundan so'ng, klub taklifni oshirib, «Tottenhem»ni Evropaning eng istiqbolli yosh himoyachilaridan birini qo'yib yuborishga ko'ndirdi.
Londondagi klub xorvatni himoya markazidagi kuchli raqobat sababli sotishga qaror qildi. O'tgan mavsum Vushkovich «Gamburg»da ijarada o'tkazib, 30 ta o'yinda 6 ta gol urdi.
Hozirda 19 yoshli Vushkovich Xorvatiya terma jamoasi safida, jahon chempionatida qatnashmoqda.
