«Manchester Siti» va ispaniyalik yarim himoyachi Rodri Ernandes o'rtasidagi shartnoma uzaytirish bo'yicha muzokaralar to'xtatildi. Bu haqda taniqli insayder Fabrizio Romano xabar bermoqda.
Agar manbaga ishonilsa, «shaharchilar» Rodriga yangi shartnoma taklif qilganiga bir necha oy bo'ldi, ammo hozirgacha o'yinchi bilan kelisha olishmadi. Hozirda shartnoma muhokama qilinmayapti, lekin qaror qabul qilish uchun hali ko'p vaqt bor, chunki yarim himoyachining amaldagi shartnomasi 2027 yilning iyunigacha amal qiladi.
Rodri «Manchester Siti»da 2019 yildan beri o'ynaydi. O'tgan mavsumda 29 yoshli o'yinchi 33 ta o'yinda maydonga tushib, ikki gol urdi.
