20 yoshli braziliyalik qanot hujumchisi «Portu»dan Uilyam Gomes bir qator evropalik klublarni qiziqtirmoqda, deb xabar bermoqda insayder Ekrem Konur ijtimoiy tarmoqlarda.
Manbaning ma'lumotlariga ko'ra, «Manchester Yunayted», «Chelsi», «Arsenal», «Liverpul», «Nyukasl» va «Atletiko» iste'dodli futbolchining karerasini kuzatmoqda. Portugaliyalik klub o'yinchini 60 million evro taklif qilingan taqdirda qo'yib yuborishga tayyor.
Gomes «drakonlar» safida 2025 yildan o'ynamoqda. Tomonlar o'rtasidagi amaldagi mehnat shartnomasi 2031 yilning iyun oyida tugaydi. Transfermarkt braziliyalik futbolchining bozor qiymatini 30 million evro deb baholamoqda.