Avvalgi Arsenal kapitanlaridan Patrik Viyera o'z vaqtida ser Aleks Ferguson bilan olib borgan muzokaralarini esladi.
«Menda bir necha bor Realga o'tish imkoniyati bo'lgan. Shuningdek, Manchester Yunaytedga o'tish imkonim ham bo'lgan. Men ser Aleks Ferguson bilan uchrashdim. U bilan uchrashuvdan voz kecha olmadim, chunki u Premier-ligada juda muhim shaxs edi.
Biz uchrashdik va suhbatlashdik. U menga Manchester Yunaytedning kelajagi haqida o'z fikrlarini aytib berdi va qaysi jamoani qurmoqchi ekanligini tushuntirdi. U meni Roy Kinning yonida, Giggs bilan chap qanotda, Bekxem bilan o'ng qanotda va Skoulsni van Nistelroyning orqasida o'ynatmoqchi edi, shuning uchun jamoa yaxshi bo'lardi.
Ammo men Arsenalni tark eta olmadim. U yerda juda yaxshi edim va biz haqiqatan ham maxsus bir narsani yaratishga intilayotgan edik. Shunday qilib, hammasi shunday bo'lib qoldi», - dedi Viyera Sky Sportsga bergan intervyusida.
Arsenal 2004 yilda Angliyada hech qanday mag'lubiyatga uchramasdan chempion bo'lgan.