«Yuventus» yarimhimoyachisi Jeremi Boga jamoaning yangi o'yinchisi Kerim Alaybegovichni yuqori baholadi. 18 yoshli bosniyalik 37 million evro (bonuslar hisobga olinganda) evaziga «Bayer»dan «Yuventus»ga o'tdi va allaqachon mashg'ulotlarda jamoa hamkorlarini hayratda qoldirdi.
«U meni o'yinchi sifatida juda qiziqtiradi. Men uning videolarini tomosha qildim, shuning uchun uni oldindan bilardim. U kutilmagan, boshqalar qilmaydigan ishlarni qiladi. Ana shunday sifatlar bizga kerak», - deya Boga so'zlarini keltiradi Football Italia.
O'tgan mavsumda Alaybegovich «RB Zaltsburg»da ijarada o'ynadi. Avstriya chempionatida u 9 gol urdi va 3 golli uzatma berdi. Bosniya va Gersegovina terma jamoasi safida o'yinchi 14 o'yinda 2 gol urdi.