22 yoshli «Barselona» yarim himoyachisi Mark Kasado ikki Saud Arabistoni klubining qiziqishini uyg'otmoqda. Bu haqda jurnalist Ekrem Konur xabar bermoqda.
Manbaning ma'lumotlariga ko'ra, ispan futbolchisini «Al-Hilal» va «Al-Ahli» taklif qilishga qiziqish bildirmoqda. Ikkala klub ham futbolchi uchun 40 million evrogacha mablag' sarflashga tayyor. Biroq, Kasado o'z qarorini qabul qilishda shoshilmayapti va barcha takliflarni diqqat bilan o'rganmoqchi.
O'tgan mavsumda Kasado barcha musobaqalarda 34 o'yinda maydonga tushdi va bitta golli uzatmani amalga oshirdi.
Yarim himoyachining «Barselona» bilan amaldagi shartnomasi 2028 yilgacha davom etadi. Transfermarkt mutaxassislari futbolchini 18 million evroga baholamoqda.