Yaqinda «Barselona»ga o'tgan yarim himoyachi Rodri Ernandes, Madridning «Atletiko» klubidagi hujumchi Xulian Alvares haqida savolga javob berdi.
Ispan va argentinalik futbolchilar 2022 yildan 2024 yilgacha «Manchester Siti»da birga o'ynagan. «Ko'k-qizillar» hali ham hujumchini qo'lga kiritmoqchi, ammo «matraschilar» uni qo'yib yubormoqchi emas.
«Men boshqa jamoalardagi futbolchilar haqida gapirganda ehtiyotkorlik bilan fikr bildirishga harakat qilaman. Xulian – eng yaxshi hujumchilardan biri, u har qanday jamoani kuchaytirishi mumkin, lekin hozirda u «Atletiko»ga tegishli. Men bu klubga katta hurmat bilan qarayman. Ishonchim komilki, Deku va direktorlar kengashi «Barselona» tarkibini kuchaytirish uchun hamma narsani qilishadi», – deydi 30 yoshli yarim himoyachi ESPN Argentinaga bergan intervyusida.
Rodri 2018 yildan 2019 yilgacha «Atletiko»da o'ynagan, keyin esa «Manchester Siti»ga o'tgan.