«Barselona» 19 yoshli yarimhimoyachi Mark Bernal bilan shartnomani 2031 yil 30 iyungacha uzaytiradi. Klub allaqachon futbolchining agentlari bilan kelishuvga erishdi va tez orada yangi shartnoma haqida e'lon qiladi.
«Ko'k-qizil» klubining sport direktori Deku o'yinchi uchun shartlarni ma'qulladi. Uning kelajakdagi maoshi haqida ma'lumot berilmagan, ammo u oshirilishi kutilmoqda, deb xabar beradi Fabrizio Romano.
Bernalning klub bilan amaldagi shartnomasi 2029 yil 30 iyungacha davom etadi. Transfermarkt ma'lumotlariga ko'ra, uning bozor qiymati 30 million evrodir.
2026/2027 yilgi mavsumda Bernal barcha klub musobaqalarida yetti o'yin o'ynab, ikki gol uzatdi.