Dortmundning «Borussiya» jamoasi yarim himoyachisi Yannis Konstantelias Bundersliganing birinchi turida «Gamburg»ga qarshi o'yinda tizzasidan jarohat oldi. Bu haqda Sky xabar bermoqda.
23 yoshli grek Bakari Jatta bilan kurashda jarohat oldi. Uzoq davom etgan tibbiy yordamdan so'ng, Konstantelias 54-daqiqada maydondan chiqarildi.
«Borussiya» jamoasi jiddiy jarohatdan xavotirda. Klubning sport direktori Ole Buk, og'ir jarohat, jumladan, xochsimon bog'lanmaning yirtilishi ehtimoli borligini ta'kidladi.
Jamoa bosh murabbiyi Niko Kovach Konstanteliasning yakshanba kuni tekshiruvdan o'tishini ma'lum qildi. Uning so'zlariga ko'ra, shifokorlardan olingan dastlabki ma'lumotlar «yomon» eshitilmoqda.
Konstantelias bu yozda «Borussiya»ga qo'shildi. Uning PAOKdan o'tishi nemis klubiga 26 million evroga tushdi.