Vinger Yan Diomande haftaning oxirigacha «RB Leypsig»dan «Real»ga o'tishi kutilmoqda. Matbuotda seshanba kuni klublar o'rtasida ijobiy muzokaralar o'tkazilgani va shundan so'ng bitimni yakunlash juda yaqinlashgani haqida xabar berilgan.
Jurnalist Pepe Alvarez ijtimoiy tarmoqlarda xabar berishicha, Diomande «Real» tarixidagi eng qimmat transferga aylanadi. Bonuslar hisobga olinsa, summa 135,8 million evrodan oshishi mumkin.
Agar Transfermarkt saytiga kirib, «Real» tarixidagi eng qimmat xaridlarni ko'rsangiz, eng yuqori uchlik quyidagicha: Jud Bellingem (127 million evro), Eden Azar (120,8 million evro), Garet Beyl (101 million evro).