Markaziy hujumchi Fisnik Asllani «Xoffenhaym»dan Dortmundning «Borussiya»siga o'tdi. Bu haqda taniqli jurnalist Ekrem Konur xabar bermoqda.
Manbaning ma'lumotlariga ko'ra, «Borussiya» 23 yoshli hujumchini sotib olish opsiyasini faollashtirib, transferni amalga oshirdi. Kosovalik futbolchining xaridi «shmel»larga 30 million evroga tushdi.
O'tgan mavsumda Asllani barcha musobaqalarda 35 marta maydonga tushib, 11 gol urdi va o'nta golli uzatma berdi.
Germaniya chempionati – 2025/26 natijalari bo'yicha «Borussiya» turnir jadvalida ikkinchi o'rinni egallab, 38 turda 73 ball to'pladi.
