Turkiyaning «Fenerbahce» klubi hujumchi Mason Greenwoodning transferi ustida ish olib bormoqda. Bu haqda L'Équipe xabar bermoqda.
Istanbul klubining rahbariyati futbolchi va uning vakillari bilan shaxsiy shartnoma shartlari bo'yicha kelishuvga erishgan. «Fenerbahce» 24 yoshli ingliz futbolchisiga juda foydali taklif qilishga tayyor va uni joriy yozda asosiy transfer ustuvorliklaridan biri sifatida ko'rmoqda.
«Marseille» bilan muzokaralar ancha murakkab kechmoqda. Turkiya klubi taxminan 30 million evro va bonuslar to'lashga tayyor, o'z navbatida fransuz tomoni o'yinchini 50-55 million evroga baholamoqda va talablarini pasaytirishga niyati yo'q.
Greenwoodga qiziqish «Atletiko», «Al-Hilal» va «Roma» tomonidan ham saqlanmoqda.
