"Real Madrid" jamoasi hujumchisi Kilian Mbappe bu mavsumda odatdagidan ko'proq jarohat olmoqda. Bu haqda Euro-football.ru xabar berdi.

Fransuz futbolchisi yaqinda "Benfika"ga qarshi Chempionlar ligasidagi o'yindan tizza jarohati sababli chetlatildi. Mutaxassislarning taxminicha, Mbappe yana bir necha hafta safdan chiqib qolishi mumkin.

"Marca" nashri ma'lumotiga ko'ra, bu mavsumda Kilian Mbappe jarohatlar tufayli 53 kun o'yinlarda ishtirok eta olmadi – bu uning futbolchilik faoliyatidagi yomon rekordi hisoblanadi. Unga qadar eng yomon ko'rsatkich 2019/20-yilgi mavsumda qayd etilgan edi (51 kun), o'shanda Mbappe "PSJ" jamoasida to'p surgan edi.

Sog'lik bilan bog'liq muammolarga qaramay, Mbappe muntazam ravishda gollar urib kelmoqda: u barcha turnirlarda 33 ta o'yinda 38 ta golga mualliflik qilgan. Futbolchining jarohatlari "Real Madrid" klubi va uning muxlislari uchun jiddiy tashvish uyg'otmoqda, chunki Mbappe jamoaning asosiy hujumchilaridan biri hisoblanadi.

Shifokorlar futbolchining sog'ayishi uchun barcha zarur choralarni ko'rmoqdalar, ammo Mbappening maydonga qaytish sanasi hali aniq emas.