Arda Gyuler Angliya Premer-ligasining bir nechta yetakchi klublari – Manchester Siti va Arsenal jamoalari diqqat markazida turibdi. Bu haqda Euro-football.ru xabar berdi.

Biroq, Real Madrid klubi ingliz klublarining qiziqishiga qaramay, turk futbolchisini sotishga niyat qilmayapti. Bu haqda Transfer News Live manbasiga tayanib Defensa Central xabar berdi.

Arda Gyuler hozirga qadar Real Madrid safida jami 77 ta o‘yinda maydonga tushgan. U ushbu o‘yinlarda 15 ta gol urib, 17 ta samarali uzatma amalga oshirgan.

Transfermarkt nufuzli portali mutaxassislari 20 yoshli yarim himoyachining qiymatini 60 million yevroga baholamoqda. Uning hozirgi shartnomasi 2029 yil o‘rtalarigacha amal qiladi.

Real Madrid klubi futbolchining kelajagiga katta umid bog‘lagan holda uni jamoada saqlashni maqsad qilgan.