Vinger «Manchester Siti» Savinyo «Tottenhem»ga o'tishga yaqinlashdi. Payshanba kuni kechqurun klublar braziliyalik futbolchining transfer shartlari bo'yicha og'zaki kelishuvga erishdilar, deb xabar bermoqda insayder Fabrizio Romano ijtimoiy tarmoqlarda. Yaqin kunlarda 22 yoshli futbolchi tibbiy ko'rikdan o'tadi, so'ngra «shporlar» bilan shartnoma imzolaydi. Transfer summasi 75 million funt sterlingdan (87,5 million evrodan) oshadi.
Savinyo 2024 yil yozidan beri «Manchester Siti»da o'ynadi. O'yinchi barcha musobaqalarda Manchester jamoasi safida jami 84 o'yin o'tkazib, 7 ta gol urdi va 16 ta golli uzatmaga ega bo'ldi.