Futbol klublari dunyoning eng yirik ijtimoiy tarmoqlarida auditoriyani oshirishda davom etmoqda. CIES Football Observatory tomonidan taqdim etilgan yangi hisobotga ko'ra, ikki ispan gigantlari, ya'ni «Real» va «Barselona» mutlaq yetakchilar sifatida qolmoqda.
Madriddagi «Real» 487,6 million obunachiga ega bo'lsa, «Barselona» 441,8 million obunachiga ega, uchinchi o'rinda esa «Manchester Yunayted» 238,6 million ko'rsatkich bilan joylashgan.
Eng yaxshi o'nlikda shuningdek «PSJ», «Manchester Siti», «Liverpul», «Yuventus», «Bavariya», «Chelsi» va «Arsenal» kiradi. Ushbu o'nlikdagi klublar orasida yil davomida eng katta o'sishni «Bavariya» (+10,8%) ko'rsatdi.
Eng yaxshi 100 klub orasida 25 ta mamlakatdan jamoalar mavjud bo'lib, Okeaniyadan tashqari barcha qit'alardan vakillar bor. Eng ko'p jamoalar Ispaniyadan (21), Angliyadan (17) va Braziliyadan (11) keladi.
Yevropadan tashqari eng mashhur klublar «Flamengo» (Braziliya) - 71,6 million, «Al-Nasr» (Saudiy Arabiston) – 66 million va «Al-Ahli» (Misr) - 60,1 million obunachiga ega.