Madriddagi «Atletiko» rasmiy ravishda himoyachi Kristian Romero «Tottenhem»dan o'tishini e'lon qildi. 28 yoshli argentinalik 2031 yil 30 iyungacha mo'ljallangan shartnoma imzoladi.
Romero 2021 yildan beri «Tottenhem»da o'ynagan. Londondagi klubda 5 mavsum davomida 156 o'yin o'tkazib, 13 gol urdi va 7 golli uzatma berdi. 2024-25 mavsumida argentinalik «Tottenhem»ga Evropa ligasini yutishda yordam berdi va turnirning eng yaxshi o'yinchisi deb topildi.
Angliya klubiga o'tishidan oldin Romero «Belgrano», «Jenoa», «Yuventus» va «Atalanta»da o'ynagan. «Atalanta»da 2020-21 mavsumida Seriya Aning eng yaxshi himoyachisi deb tan olingan.
Romero Argentina terma jamoasida 2021 yil iyunida debyut qildi va o'shandan beri 58 o'yin o'tkazdi. U milliy jamoasi bilan 2 Amerika kubogi va 1 jahon chempionatida ishtirok etdi.
Transfermarkt ma'lumotlariga ko'ra, transfer summasi 40 million evro tashkil etdi.