Yaqinda Jeremi Doku «Manchester Siti» bilan shartnomasini uzaytirgani haqida ma'lum bo'ldi. Belgiyaning milliy terma jamoasi vingeri «shahar» ranglarini 2031 yilning o'rtalarigacha himoya qiladi.
Klub bilan hamkorlikni uzaytirgach, 24 yoshli hujumchi jamoaning matbuot xizmatiga bergan intervyusida his-tuyg'ularini baham ko'rdi.
«Bu yerda o'tkazgan vaqtimni juda yoqtirdim, shuning uchun bu yerda qolish – bu ajoyib his. Bu klub men uchun juda muhim. Men bu yerda o'sdim, nafaqat o'yinchi, balki shaxs sifatida ham. Bu yerda o'zimni qulay his qilaman va har kuni o'z ustimda ishlayotganimni bilaman», - dedi Doku.
O'tgan mavsumda Angliya Premer Ligasi doirasida 2023 yildan «shahar»da o'ynayotgan hujumchi barcha musobaqalarda 47 uchrashuvda qatnashdi. Doku o'z hisobiga sakkiz gol va 14 golli uzatma yozdirgan.