«Manchester Yunayted» va «Lids» 12 avgustda do'stlik uchrashuvida to'qnash kelishdi. Uchrashuvning asosiy vaqti 1:1 hisobida tugadi, keyinchalik esa penaltilar seriyasida Manchester klubi g'alaba qozondi.
Hisob 16-daqiqada ochildi. Brayan Mbeumo, chap qanotda bo'lib, to'pni jarima maydonining markaziga uzatdi va vaqtida yetib kelgan Yashua Zirkzee to'pni darvozaga kiritdi. «Lids» 30-daqiqada hisobni tenglashtirdi. Raqibdan to'pni tortib olgan Jeyms markazga Aaronsonga uzatdi, u jarima maydoniga kirib, aniq zarba berdi.
Uchrashuvning ikkinchi yarmida Bruno Fernandeshning «Lids» darvozasiga urgan goli ofsayd sababli bekor qilindi. 82-daqiqada u yana bir marta to'pni qiyaqdan urdi, lekin to'p darvoza ustuniga tegdi.
Penaltilar seriyasida Fernandesh «MYu»dan, Jastin va Uilson esa «Lids»dan gol urishmadi. Yakuniy hisob penaltilar bo'yicha 5:4.