Xalqaro futbolchilar uyushmasi FIFPro 2025 yil uchun ramziy jamoani shakllantirish bo‘yicha ovoz berish natijalarini e’lon qildi. Bu haqda Euro-football.ru xabar berdi.

Ushbu tanlovda butun dunyo professional ligalarining futbolchilari ishtirok etdi. Har bir ishtirokchi to‘rt pozitsiya bo‘yicha — darvozabon, himoyachi, yarim himoyachi va hujumchi sifatida uch nafardan nomzodlarni tanladi.

Ovozlar yig‘indisiga ko‘ra, eng ko‘p futbolchilar Parijning "Pari Sen-Jermen" klubidan tanlandi, jami besh nafar o‘yinchi ramziy jamoaga kirdi. Shuningdek, Ispaniyaning "Real" va "Barselona" klublari ham o‘z yulduzlarini ushbu jamoadan joy oldi.

Ramziy FIFPro jamoasi tarkibi quyidagicha: darvozabon sifatida Gianluigi Donnarumma (Italiya, Pari Sen-Jermen / Manchester Siti) tanlandi. Himoyachilar safida Virgil van Deyk (Niderlandiya, Liverpul), Ashraf Hakimi (Marokash, Pari Sen-Jermen) va Nunu Mendes (Portugaliya, Pari Sen-Jermen) bor.

Yarim himoyachilar qatorida Jud Bellingem (Angliya, Real Madrid), Kol Palmer (Angliya, Chelsi), Pedri (Ispaniya, Barselona) va Vitinya (Portugaliya, Pari Sen-Jermen) joylashdi. Hujumchilar safida esa Usmon Dembele (Fransiya, Pari Sen-Jermen), Kilian Mbappe (Fransiya, Real Madrid) hamda Lamin Yamal (Ispaniya, Barselona) bor.

Ushbu tanlov futbolchilar tomonidan o‘tkazilib, dunyoning eng yaxshi futbolchilarini birlashtirgan ramziy jamoani shakllantirdi.