«Liverpul» yarimhimoyachisi Kurtis Jonson milanlik «Inter»ning eng muhim transfer maqsadlaridan biri bo‘lib qolmoqda.
«Nerazzurri» ingliz futbolchisi bilan uzoq vaqtdan beri muzokaralar olib bormoqda, lekin hozirgacha muvaffaqiyatga erishgani yo‘q. Jurnalist Janluidji Longari xabariga ko‘ra, barcha qiyinchiliklarga qaramay, 25 yoshli futbolchining «Inter»ga o‘tish ehtimoli 70%ni tashkil etmoqda, bu esa joriy transfer oynasi yopilishidan oldin sodir bo‘lishi mumkin.
Kurtis Jonsonning «Liverpul» bilan shartnomasi kelasi yilning o‘rtalarida tugaydi. Transfermarkt mutaxassislari baholashicha, «qizillar» tarbiyalangan futbolchining transfer qiymati 35 million evroni tashkil etadi. Hujumchi «Liverpul» safida jami 228 ta o‘yinda qatnashib, 22 gol urdi va 25 assist berdi.