«Chelsi» forvardi Liam Delap karerasini «Everton»da davom ettirishi mumkin. Aynan «iriskalar» 23 yoshli futbolchi uchun kurashda yetakchilik qilmoqda, deya xabar bermoqda Transfer News Live TEAMtalkga tayanib. «Nyukasl» va «Lids» ham forvard bilan muzokaralarni qayta boshladi, «Brighton» va «Fulhem» esa vaziyatni kuzatishda davom etmoqda.
«Chelsi» Liam Delapni sotishga tayyor va xaridor topishni istamoqda. O'yinchining bozor qiymati, Transfermarkt baholashiga ko'ra, 28 million evroni tashkil etmoqda, uning Londondagi klub bilan shartnomasi 2031 yilgacha davom etadi. Eslatib o'tamiz, o'tgan yozda poytaxt klubi Delapni «Ipsvich»dan 35 million evrodan ko'proq summaga sotib olgan edi.