Eks-trener «Nyukasl» Aylan Pardyu Londondagi «Arsenal»ning Braziliya terma jamoasi va Madridning «Real» klubi hujumchisi Viniisius Junior bilan qiziqishi haqida fikr bildirdi.
«Bu ajoyib transfer bo'ladi. Menimcha, u amalga oshadi. O'yinchining shartnomasi tugashiga bir yil qoldi va «Real» hali ham uni uzaytirish bo'yicha kelishuvga erishmadi.
«Kanonirlar»ning hozirda bir zaif joyi bor – bu chap qanot hujumida. Agar men jamoaning murabbiyi bo'lsam, Viniisius kabi qanot o'yinchisini qo'shishni xohlar edim. Qolgan hamma narsa «Arsenal»da allaqachon mavjud», - deydi mutaxassis Metroga.
Braziliyalik o'yinchining «Real» bilan shartnomasi kelasi yilning yozida tugaydi. Viniisiusning transfer narxi – 140 million evro.
