Yarim himoyachi Kyortis Djonz yozda «Liverpul»ni tark etishi mumkin.
TEAMtalk ma'lumotlariga ko'ra, ingliz futbolchisini sotib olishga qiziqish «Inter» tomonidan davom etmoqda. Milan klubi futbolchini sotib olish bo'yicha uchinchi taklifini tayyorlamoqda, chunki birinchi ikkita taklif rad etilgan. «Inter» taklifini 25 million funt sterlinggacha oshiradi. Biroq, «Liverpul» o'z futbolchisini sotishdan kamida 30 million funt sterling olishni xohlaydi.
Kyortis Djonz «Liverpul»ning tarbiyalanuvchisi hisoblanadi. Uning shartnomasi 2027 yil 30 iyungacha davom etadi. 2025/26 yilgi mavsumda yarim himoyachi «qizillar» safida barcha musobaqalarda 49 ta o'yin o'ynab, uchta gol urdi va uchta golli uzatma berdi. Transfermarkt portalida Djonzning narxi 35 million evroga baholanmoqda.
