Milanning «Inter» klubining sport direktori Piero Auzilio «Liverpool» bilan Kortis Jons haqida olib borilayotgan muzokaralar haqida fikr bildirdi.
«Nerazzurri» 25 yoshli ingliz futbolchisini qo'lga kiritish g'oyasidan voz kechmayapti, ammo transfer shartlari bo'yicha hali kelishuvga erishishdan uzoq.
«Biz Jonsni yoqtiramiz – buni hech qachon inkor etmadim. U bizning jamoamizni kuchaytirishi mumkin, lekin hozirda klublar o'rtasida shartlar bo'yicha jiddiy tushunmovchiliklar mavjud. «Liverpool» o'zining talab qilishi mumkin bo'lgan narxni belgilash huquqiga ega, biz esa bu bizga ma'qulmi yoki yo'qmi, mustaqil ravishda hal qilishimiz kerak. Hozirgi paytda hamma narsa juda qiyin, deb aytardim», – deydi jurnalist Daniele Mari Auzilioning so'zlarini keltirib.
Kortis Jonsning bozor qiymati Transfermarkt portaliga ko'ra 35 million evro deb baholanmoqda.
