«Tottenxem»da «Nyukasl»ning yarim himoyachisi Sandro Tonali uchun katta transfer umidlari saqlanmoqda.

«Shporlar» italiyalik futbolchi uchun taxminan 92 million evro taklif qilishgan, ammo «soroklar» bunday shartlarga rozi bo‘lishmagan. Nikolo Skira tomonidan berilgan ma'lumotlarga ko‘ra, endi «Tottenxem» yangi taklif tayyorlamoqda, bu summa 100 million evrodan oshadi. O‘zi esa, yarim himoyachi bu yozda klubni o‘zgartirmoqchi.

Sandro Tonaliga «Arsenal», «Manchester Siti» va «Manchester Yunayted» ham qiziqish bildirmoqda. O‘tgan mavsumda 26 yoshli futbolchi Eddu Hau jamoasi safida 53 o‘yinda maydonga tushib, uchta gol urdi va yetti assist berdi.