Italiyaning «Como» klubining markaziy himoyachisi Xakobo Ramon «Manchester Yunayted»da o'z karerasini davom ettirishi mumkin. Buni TUTTOmercatoWEB xabar bermoqda.
Manbaning ma'lumotlariga ko'ra, «qizil iblislar» 21 yoshli ispanga jiddiy qiziqish bildirmoqda, chunki ular qishki transfer oynasida himoyani kuchaytirishni rejalashtirmoqda. «Como» o'z futbolchisini taxminan 50-60 million evroga baholamoqda.
Joriy mavsumda Ramon barcha musobaqalarda 12 o'yinda qatnashdi, 3 ta gol urdi va 1 ta golli uzatmani amalga oshirdi.
Ramonning «Como» bilan amaldagi shartnomasi 2030 yilning o'rtalarigacha davom etadi.