«Brayton»ning qanot hujumchisi Kaoru Mitoma Londondagi «Tottenhem»ga o'tishi mumkin. Bunga TEAMtalk xabar bermoqda.
Manbaning ma'lumotlariga ko'ra, «Brayton» 29 yoshli futbolchi bilan kelajakdagi yozda tugaydigan shartnomani uzaytirish bo'yicha kelisha olmayapti. Bu vaziyatdan «Tottenhem» foydalanmoqchi. Yapon futbolchisini taklif qilishda jamoaning bosh murabbiyi Roberto De Dzerbi shaxsan qiziqish bildirmoqda, u avval «Brayton»da Mitoma bilan ishlagan.
Bundan tashqari, vingerga «Liverpul» va «Bavariya» ham qiziqish bildirmoqda. Hozircha «chayqalar» Mitomani qishki transferda sotishga tayyormi yoki shartnomasi tugashigacha uni saqlab qolishni va hamkorlikni davom ettirishga harakat qilishini bilish mumkin emas.
Ushbu mavsumda Mitoma maydonga chiqa olmadi, chunki u jarohatdan tiklanmoqda. Transfermarkt futbolchini 22 million evroga baholamoqda.