Yarim himoyachi Carlos Baleba «Manchester Yunayted»da «Lozanna»ga qarshi o‘tkazilgan yopiq do‘stlik o‘yinida debyut qildi. Klubning Karrington bazasida o‘tkazilgan uchrashuvda mankunianlar 2:1 hisobida g‘alaba qozonishdi.
22 yoshli kamerunlik futbolchi yozda «Manchester Yunayted»ga «Brayton»dan o‘tgan, ammo o‘tgan jarohati tufayli hali maydonga tushmagan edi. Baleba uchrashuvni asosiy tarkibda boshladi va endi APLda «Tottenxem»ga qarshi o‘yinida maydonga tushishi mumkin, deb xabar bermoqda The Standard.
«Manchester Yunayted»ning bosh murabbiyi Maykl Karriq uchun yana bir yaxshi yangilik — Mattais de Ligtning qaytishi bo‘ldi. Niderlandiyalik himoyachi ham asosiy tarkibda o‘ynab, o‘tgan yil noyabridan beri birinchi marta maydonga tushdi. De Ligt jiddiy orqa jarohati tufayli uzoq muddat maydondan chetda qolgan edi.
«Lozanna»ga qarshi o‘yinda shuningdek, o‘z milliy terma jamoalariga chaqirilmagan Garry Maguayr va Mateus Kunya ham o‘ynashdi.