«Fiorentina»ning 100 yillik yubileyida Lisabonning «Benfika» prezidenti Ruy Kosta ham ishtirok etdi. U avvalgi faoliyatida «fiolalar» safida yetti yil o'ynagan. Albatta, jurnalistlar uni Italiyaga qaytish ehtimoli haqida savol berishdi, lekin Kosta Portugaliyada ishlarining juda yaxshi ketayotganini aytib, barchasini tashlab ketish niyatida emasligini bildirdi.
«Men hech qachon «Benfika» men uchun nima anglatishini yashirmaganman. Men sakkiz yoshimda «Benfika»da o'ynashni boshladim, hozir esa ushbu klubning prezidenti bo'ldim; bu mening hayotimdagi ajoyib bir hikoya. Men bu jihatdan omadli bo'ldim — o'ynagan joylarim va yashagan joylarim tufayli», - deya Kostaning so'zlarini keltiradi derbyderbyderby.it.
Esda tuting, Ruy Kosta «Benfika» prezidentidir.