«Fiorentina» hujumchisi Moyze Kin boshqa klubga Serie A ga o‘tishi mumkin. Insider Nikolo Skira ma'lumotlariga ko‘ra, 26 yoshli futbolchiga «Komo» jiddiy qiziqmoqda va bu hafta «Fiorentina» ga rasmiy taklif berishni rejalashtirmoqda.
«Komo»ning Kinga qiziqishi haqida ma'lumot iyul oyida paydo bo‘lgan edi. O‘shanda «Fiorentina» o‘z yulduzidan taxminan 40 million evro talab qilayotganligi haqida xabar berilgan edi.
Italiyalik futbolchining Transfermarkt portalidagi bahosi 32 million evro. Hujumchi Florensiya jamoasi bilan jami 78 o‘yinda maydonga tushib, 35 gol urgan va yetti golli uzatmaga mualliflik qilgan.