40 yoshli xorvat yarim himoyachisi Luka Modrich «Milan»da yana bir mavsum qolishi mumkin. Bu haqda insayder Fabrizio Romano xabar bermoqda.
Esimizda bo'lsin, jahon chempionatidan oldin Modrichning yozda futbolni tark etishi haqida mish-mishlar tarqalgan edi. Biroq, Xorvatiya terma jamoasi musobaqadan chiqqanidan so'ng, yarim himoyachi yana bir yil o'ynashga qaror qilgani haqida ma'lumotlar paydo bo'ldi.
Romano ta'kidlashicha, «Milan» rahbariyati Modrich bilan shartnomani uzaytirishga ishonch bildirgan. Bir necha vaqt oldin jamoa bosh murabbiyi Ruben Amorim shaxsan futbolchiga qo'ng'iroq qilib, hozirgi vaziyatni muhokama qilgan. Biroq, Modrichdan hal qiluvchi qaror hali chiqmagan, chunki uning oilasining fikri juda muhim.
Modrich o‘tgan yozda «Milan»ga qo'shilgan. Italiyaning ushbu klubida u barcha musobaqalarda 37 ta o‘yinda ishtirok etib, 2 ta gol urdi va 3 ta golli uzatma berdi.
