«Napoli» «Boka Xunyorz» qanot o'yinchisi Esekiyel Sebalyosning transferi ustida ish olib bormoqda. Jurnalist Alfredo Pedulla ma'lumotlariga ko'ra, neapolitanslar bir necha oy davomida argentinalik futbolchini kuzatib kelmoqda va iyul oyining boshida o'yinchidan transferga rozilik olgan.
«Napoli» «Boka Xunyorz»ga 10 million yevro miqdorida taklif yuborgan. Shu bilan birga, klub futbolchining atrofidagi odamlar bilan kelishuvga erishgan.
Sebalyosning argentinalik klub bilan shartnomasi 2026 yil dekabrining oxirigacha amal qiladi. Boshqa jamoalarning qiziqishiga qaramay, o'yinchi o'zini «Napoli»ga o'tish imkoniyatini ustun deb hisoblaydi. Bitimni yakunlash uchun neapolitanslarga bir qator sotuvlarni amalga oshirish zarur.
Hozirgi mavsumda 24 yoshli o'yinchi 12 o'yinda 1 gol urdi va 3 golli uzatma berdi.
