Zlatan Ibrahimovich «Milan»ning derbidagi g‘alabasini nishonlashda ishtirok etdi — bu jarayonda Bosh vazir Jorja Melonini eslatib o‘tdi. O‘zining ijtimoiy tarmoqlardagi rasmiy akkauntlarida RedBird kompaniyasining katta maslahatchisi g‘alaba to‘g‘risida video joylashtirdi, bu video, yumshoq qilib aytganda, g‘alati deb aytish mumkin.
Video Bosh vazirning Rimni poytaxt sifatida ta’riflovchi mashhur nutqidan boshlanadi va keyin Ibrahimovichning 2022 yilda «Milan» o‘zining 19-skudettosini qo‘lga kiritgandan so‘ng «Italiya — bu Milan» degan mashhur iborasi bilan davom etadi.
Keyin esa Ibrahimovichning «rossoneri» formasida g‘alabani nishonlayotgan kadrlar montaji ko‘rsatiladi va ekranda «That’s it» yozuvi paydo bo‘ladi. Ushbu ibora to‘g‘ridan-to‘g‘ri «Ana shunday» deb tarjima qilinishi mumkin, lekin bu yerda u so‘z o‘yiniga ham o‘xshaydi: «Bu ham Italiya».