Massimiliano Allegri «Napoli»ning bosh murabbiyi lavozimiga tayinlanishi yaqin kunlarda bo'lishi kutilmoqda. Bu haqda Football Italia xabar bermoqda.
Manbaning ma'lumotlariga ko'ra, tomonlar allaqachon asosiy kelishuvga erishgan, rasmiy tasdiq esa shu hafta e'lon qilinishi kutilmoqda.
Ma'lum qilinishicha, e'lonning kechikishi klub va murabbiy o'rtasidagi muzokaralar bilan bog'liq emas, balki Allegri va uning oldingi klubi - «Milan» o'rtasidagi hal qilinmagan formalitlar bilan bog'liq. Bu moliyaviy va shartnoma masalalari bo'lib, hamkorlikni to'liq tugatish uchun hal etilishi zarur.
Allegri rasmiy ravishda lavozimga kirishgach, «Napoli»ning sport direktori Giovanni Manna yangi murabbiyga qaysi o'yinchilar kerakligini aniqlab, transferlarni aniq rejalashtirish imkoniyatiga ega bo'ladi.
