Kataloniyaning «Barselona» rahbari Joan Laporta Argentina terma jamoasi va milanlik «Inter» hujumchisi Lautaro Martinesning amalga oshmagan transferi haqida ma'lumot berdi.
«Men har qanday yo'l bilan Lautaro Martinesni avgustda qo'lga kiritmoqchi bo'ldim. U ajoyib hujumchi, biz uni «Barselona»da ko'rishni xohladik. Men shaxsiy ravishda «Inter» prezidenti bilan telefon orqali bog'landim, u esa darhol meni to'xtatdi: hech qanday imkoniyat yo'q. Men klubning pozitsiyasini hurmat qilaman,» - deydi rahbar Corrierre orqali.
Martinesning transfer narxi 85 million evro. 29 yoshli argentinalik futbolchining «neradzurri» bilan mehnat shartnomasi 2029 yilning iyun oyining oxirida tugaydi.