«Barselona» yarim himoyachisi Mark Kasado bir nechta boshqa klublardan kelgan takliflarni rad etdi.
22 yoshli futbolchi saudiyalik «Al-Hilal»ga o'tishni xohlamadi va Turkiya chempionatining vakillariga ham rad javobini berdi, deya xabar bermoqda Barca Universal Mundo Deportivo manbasi orqali. Ispan futbolchisi agar «Barselona»dan bu yozda ketadigan bo'lsa, Evropaning eng yaxshi chempionatlaridan birida o'z karerasini davom ettirishni xohlaydi.
«Ko'k-qizil»larning bosh murabbiyi Xans-Diter Flik Kasadoga kelgusi mavsumda muntazam o'yin amaliyoti bo'lishi qiyinligini ma'lum qildi. Yarim himoyachi o'z kelajagini avgust oxirigacha hal qilishi kerak.