Hujumchi Ferran Torres «Barselona»dan «PSJ»ga o'tishga tayyor. Ijtimoiy tarmoqlarda jurnalist Matteo Moretto Marca nashriga tayanib xabar berishicha, Torres va «Barselona» o'rtasidagi shartnoma uzaytirish bo'yicha muzokaralar to'xtab qoldi.
Yaqin kunlarda «Barselona» va «PSJ» to'g'ridan-to'g'ri muzokaralar o'tkazib, Torresning transfer summasini muhokama qilishadi. 26 yoshli hujumchi bo'yicha kelishuv tez orada amalga oshishi mumkin. Ferran uchun Parijda shaxsiy shartnoma shartlari muammo bo'lmaydi.
Transfermarkt portalida Ferran Torresning qiymati 55 million evro deb baholangan. Avvalroq «PSJ» «Barselona»ning shartnoma uzaytirish bo'yicha har qanday taklifini bekor qilishga tayyorligi xabar qilingan.