Madriddagi «Atletiko» futbolchisi Aleks Baena Xulian Alvaresning klubdan ketish istagi haqida fikr bildirdi.
Argentinalik hujumchi yozda «matraschilar» safidan chiqib ketmoqchi ekanligini ochiq aytdi. O'yinchi uzoq vaqtdan beri «Barselona»ga o'tishi haqida mish-mishlar tarqalmoqda.
«Ehtimol, u baxtsizdir, chunki o'tgan mavsumni yaxshi o'tkazmadi. Agar u ketishga harakat qilsa, men uni zanjirga bog'layman. Men ham o'tgan mavsumdan unchalik mamnun emasman, lekin «Atletiko»ni, bizning muxlislarimizni, stadionni, murabbiylar shtabini, jamoa a'zolarini va shaharni sevganim uchun qolishni xohlayman. Agar klub nuqtai nazaridan qarasak, men hech qachon muhim o'yinchini raqibga sotmas edim. Men ham Xulian qolishini xohlayman», – dedi Baena El Partidazo de COPE intervyusida.
«Atletiko» Alvares bo'yicha muzokaralar olib borishni rad etmoqda, ammo «Barselona» yangi taklif tayyorlamoqda, deb xabar berilmoqda.
