Madriddagi «Real»ning bosh murabbiyi Joze Mourinyo kimlarning uning jamoasida joyi yo'qligini belgilab berdi.
«Qirolicha» klubda qayta qurish jarayoni boshlanmoqda va aynan portugaliyalik murabbiy tarkibni shakllantirishda asosiy qarorlarni qabul qiladi. Jurnalist Mario Kortehananing xabar berishicha, Mourinyo rejasiga uchta chap himoyachi – Ferlan Mendi, Fran Garciya va Alvaro Karreras kirmaydi, ammo oxirgisining qolishi mumkin. Shuningdek, «maxsus» murabbiy markaziy himoyachi Raul Asensioni hisobga olmayapti, u esa jamoani tark etishni xohlamaydi. Hujumchi Eduardo Kamavinga ham murabbiyni hayratga solmayapti va u ham muhitni o'zgartirishni xohlamaydi.
Manbaga ko'ra, Orleyn Tchouameni sotilishi ham istisno emas, u uchun «Manchester Yunayted» jiddiy kurash olib bormoqda. Federiko Valverde esa sotilmaydi.
