Madridning "Real" futbol klubining braziliyalik hujumchisi Endrik qishki transfer oynasida jamoani tark etadi. Bu haqda Euro-football.ru xabar berdi.

Bu haqda ishonchli manba, taniqli jurnalist Fabrizio Romano o‘zining ijtimoiy tarmoqdagi sahifasida ma’lum qilgan. Manbaga ko‘ra, Endrik Braziliya terma jamoasi bilan yaqinlashib kelayotgan jahon chempionatida ishtirok etishni xohlaydi va shu sababli ko‘proq maydonga chiqishni istaydi.

"Real" klubi futbolchini yanvar oyida ijaraga berishga tayyor. Hozirda bir nechta klublar bilan muzokaralar olib borilmoqda.

Eslatib o‘tamiz, 2024 yil yozida "Real" Endrikni 47,5 million yevroga sotib olgan. Hozirgi mavsumda 19 yoshli hujumchi maydonga biror marta tushmagan.

Uning klub bilan amaldagi shartnomasi 2030 yil o‘rtalarigacha mo‘ljallangan.